darasi na 1 : menene programming?

Barkanku da zuwa wannan darasi na farko a HausaTech!

A yau za mu yi bayani ne a kan wani abu mai matukar muhimmanci a duniyar kwamfuta, wato Programming.

Menene Programming?

A takaice, Programming shi ne tsarin ba wa kwamfuta umarni dalla-dalla ta yadda za ta yi wani aiki na musamman.

Kwamfuta ba ta da hankali irin na ɗan adam; ba ta san komai ba har sai mu da kanmu mun gaya mata abin da muke so ta yi. Wannan rubuta mata umarni da muke yi shi ake kira Coding ko Programming.

Ta yaya kwamfuta ke fahimtar mu?

Kamar yadda ɗan adam ke amfani da Hausa, Turanci, ko Larabci don magana, kwamfuta ma tana da nata harsunan da take ji. Waɗannan harsuna su ake kira Programming Languages.

Fitattu daga cikinsu sun haɗa da:

  • Python: Ana amfani da shi wajen nazarin bayanai da kera basirar artificial intelligence.
  • JavaScript: Ana amfani da shi wajen ƙawata gidajen yanar gizo (websites).
  • Java / Kotlin: Ana amfani da su wajen gina manhajojin wayoyin Android (Apps).

Me ya sa koyon Programming yake da muhimmanci?

Idan ka koyi programming, za ka iya:

  1. Gina naka gidan yanar gizon (website).
  2. Gina naka manhajojin waya (Apps) ko wasanni (Games).
  3. Samun ayyukan yi masu kyau a kamfanonin fasaha na duniya.

A darasi na gaba, za mu ga yadda ake fara rubuta lambobin programming na farko. Ku ci gaba da kasancewa da mu a HausaTech!

Leave a Comment

Your email address will not be published. Required fields are marked *

Save to list